Endelig har Are Kalvø skrive ei bok der han prøver å finne svara på alle dei store spørsmåla. Ja, sjølve meininga med livet.
Og han er overtydd om at den er å finne i popmusikken, i dei skikkelig populære songane som har toppa hitlister. Songane som er der enten du vil eller ikkje, ved så mange av livets store og små anledningar.
Med utgangspunkt i eit knippe songar som har toppa norske hitlister dei siste femti åra, har Kalvø skrive ei bok om liv, død, politikk, religion, tull, tøys, oppvekst, kjærleik, vennskap, kriser og menn i altfor små shortsar. Mellom mykje anna.
Dette er ei bok du kan danse til.
