DET MØRKE LANDET er ei frodig samling nordnorske ventyr og segner. Somme av segnene er kjende i andre variantar frå før, men for det meste er det nytt stoff.
Den nordnorske segn- og eventyrtradisjonen er ei særmerkt side i norsk folkediktning. I fjellsegnene langs kystleia i Nord-Noreg finn vi eit storfelt diktverk med vill fantasi og overtru. Segnene fortel om stadnamn, straum- og vindforhold, og i mange hundre år tente dei som den sikraste vegvisaren for farande folk. Segnene var kartverk, lys og stake i ei tid då slikt enno ikkje fanst.
I DET MØRKE LANDET møter vi ein del av denne nordnorske kulturskatten. Segnene og eventyre er samla av bonden, folkeminnesamlaren og statsstipendiaten Edvard Ruud. Karl Erik Harr har illustrert samlinga. Han er kjent for sine mange skildringar av nordnorsk natur.
