Trur du at du sjølv bestemmer kva slags mat som hamnar i kjøleskapet ditt? Da bør du kanskje tenke om att, meiner Siri Helle. I Noreg leverer tre daglegvarekjeder 99 % av maten vi et. Det følgjer at desse kjedene har stor marknadsmakt, men dei påverkar òg korleis byromma våre ser ut, dyrevelferd og miljø. I denne pamfletten undersøker Siri Helle kven som bestemmer over maten vi et, men òg korleis vi kan nytte kundemakta. Pamfletten er ein del av Samlagets serie «Norsk Røyndom». Omtalen er utarbeidd av BS.
Kva driv daglegvarekjedane med? Nordmenn handlar mat ofte og ukritisk. Tre av fire husstandar handlar fleire gonger i veka. Trur du at du sjølv bestemmer kva som hamnar i handlekorga di, kva du skal ha til middag? Denne boka får deg til å tru om att. Før vi får sjansen til å velje noko som helst, er ei rekkje val allereie tekne. Og ikkje alle er tekne med ditt og mitt beste som føresetnad. På ein heilt vanleg tur gjennom ein heilt vanleg daglegvarebutikk syner Siri Helle korleis vala vi gjer på handleturen er styrte frå inngangsdøra til kassa. Noreg har den mest konsentrerte daglegvaremarknaden i Europa. Tre daglegvarekjeder leverer nittifem prosent av maten vi et, og makta til daglegvarekjedene gjeld ikkje berre mellom reolane. Daglegvarekjedene styrer alt frå småbyestetikk og pizzakjeder til dyrevelferd i hønsehuset. Alle må handle mat. Vi klarer oss ikkje utan mat, og har ikkje anna val enn å handle hos ein av dei tre kjedene. Det er på tide å finne ut av kva dei eigentleg driv med.
