Juleroser var namnet på eit litterært julehefte som blei gitt ut mellom 1881 og 1944. Heime hos Herborg Kråkevik låg hefta alltid framme til jul. Dei var skjøre og vakre og måtte takast varsamt i. Kråkevik er redaktør for det nye juleheftet Juleroser som har bidrag frå nokre av dei fremste forfattarane og biletkunstnarane i vår tid. I dette årets utgåve skriv Suzanne Brøgger, Bjørn Eidsvåg, Geir Gulliksen, Kari Bremnes, Synnøve Macody Lund, Alf Prøysen, Håkon Bleken og mange andre. Rikt illustrert med bidrag frå biletkunstnarae. Omtalen er utarbeida av BS.
«Juleroser låg alltid framme i jula då eg var barn. Eg opna dei med andakt, for dei var så skjøre og vakre, dei måtte takast varsamt i. Dei såg gamle ut, men historiene eg las, verka nye og relevante, sjølv om dei var skrivne i ei anna tid enn mi. No er dei her igjen, rosene. Eg håper, kjære lesar, at Juleroser kan gi deg jul i hjarta, slik dei gjorde for meg, og at vi har klart å lage noko som er så vakkert at det ikkje blir kasta ut med det brukte julepapiret, men held seg, både for auga og for sinnet, for både deg og dei som kjem etter.»
