I DENNE BOKA MØTER VI FOLK OG FJELL VEST I JOTUNHEIMEN. OG EIN FORFATTAR MED UANSTENDIG LYST PÅ DESSE TIDANE.
Men Sigri Sandberg vil ikkje berre til topps. Ho vil vite kva som har skjedd her, kven som har levd i, av og med desse fjella. Ho blar langt attende i fjellhistoria og finn reinsdyrjegerar, mytiske jotnekvinner, budeier og ei av Norges fremste klatrarar mot slutten av 1800-talet, Therese Bertheau. Ho blir kjend med fjelldronninga på Turtagrø, Astri Drægni - og blir med moderne fjellfolk på tur, før ho endeleg, ein tidleg julimorgon legg i veg mot sjølve kongen i Hurrungane, Store Skagastølstind (2406 moh.).
Frykt og jubel i Jotunheimen fortel nye historier frå eit av Norges vakraste og farlegaste fjellområde.
SIGRI SANDBERG (f. 1975) er journalist og forfattar. Ho har tidlegare skrive seks eigne bøker, mellom anna Polarheltinner (2012), Vindtrollet (2015) og God Tur (2015), og fire i samarbeid med polfarar Cecilie Skog. Sigri vaks opp i ytre Sogn og har budd åtte år på Svalbard.
