Forlaget skriver om denne boka:
Dette er eit fullillustrert praktverk om den mangfaldige og fargerike biletmakaren, songartisten og scenekunstnaren frå Sunnfjord. Nær 200 provoserande, vakre og meiningsfulle illustrasjonar frå ein av landets mest særeigne kunstnarar.
Torsheim fyller 70 år i november 2008, og boka gir eit imponerande rikt lengdesnitt av hans produksjon, med fargerike og mangslungne dykk i mylderet av politiske kommentarteikningar i aviser, bøker og tidsskrift, men med hovudvekt på bengalakk- og spray-måleri, akvarellar, oljemåleri, litografi og større utsmykkingsoppgåver.
Forfattaren Einar Økland og kunsthistorikaren Jorunn Veiteberg har med sine perspektivrike forord og etterord fått fram korleis Torsheim er blitt ein kultfigur for eit stort og riksdekkande publikum, eit publikum som har forstått at Torsheims rolle som riksklovn er langt meir refl ektert enn det mange mediaklovnar har innsett.
