Gledeleg melding til alle tilhengarar av Pinne & co: Den tredje boka om pinnsvinet Pinne med venner er i handelen! Denne fortel om ein kveld Pinne sit og heklar og voggar babyen, og har som så ofte den glade Grisen på besøk.
Då står det brått ei lita villfaren grisejente ute i mørkret og fortvilar fordi ho ikkje finn vegen heim til mamma! Pinne ber henne inn til mat og trøyst, og Grisen mister hjartet sitt på sekundet &
Marit Tusvik har gjendikta den naivt sjarmerande forteljinga på vers, og med Lena Andersons ljuvlege bilete er heile boka blitt ein hjarteknusar av dei sjeldne.
