Storparten av livet sitt har Arthur Arntzen levd med humoren som yrke. Men humoren i underhaldning og fest er for ingenting å rekne mot det han kan utrette i det daglege liv. Det har vi gløymt i vårt jag etter å organisere kvardagen, arbeidslivet og samfunnslivet så effektivt som mogeleg.
Vi har alle fått humoren og latteren i voggegåve. Men som alle andre anlegg og evner må ha pleiast og dyrkast. Arbeidslivet, helsevesenet, familien og vårt eige høgst private liv er avhengig av humorens forunderlege og vedunderlege kraft.
Med utgangspunkt i sitt liv som humorist og i eigne livserfaringar tek Arthur Arntzen oss i denne boka med inn i ei verd der smilet, latteren og humoren kan løfte oss opp som menneske og medmenneske. Der varmen slår mot oss i staden for gravalvoret.
