Denne praktboka inneheld dei aller beste balladane eller folkevisene våre sett frå ein litterær synsstad. Det er forteljande dikt som har stor appell til lesarar i dag. Illustrasjonane i boka er henta frå norsk folkekunst. Tekstene er valde ut på basis av originale nedteikningar og ikkje frå dei rekonstruerte versjonane som hittil har vore kjende frå lesebøker og songbøker. Vi finn att kjenningar som "Bendik og Årolilja", "Draumkvedet", "Åsmund Frægdegjeva" og mange andre, viser om riddarar, om bergtatte møyer, om vondskapsfulle frender, om hemn og om kjærleik. Nokre humoristiske viser er òg tatt med.
