Dette er ei vakker samling dikt med ei alvorleg grunnstemning. I små lyriske tekstar granskar forfattaren krokar i vårt inste, vårt tilhøve til omverda, dei næraste og dei meir perifere opplevingane. Boka er delt inn i tre delar: Eg, Du og Huset. Her finst alvorlege tankar om eigenverd og plass i skaparverket, men og private kjensler av lengt, samhald og utvikling. Underfundige tekstar om dyr, plommeelskarar og spor etter menneske før oss kan more og spore til ettertanke. Forfattaren har lukkast i å vise ungdomleg leiting mot sitt eigentlege eg, men gjev og tankar hos ein som har leita lenge og ikkje er sikker på om ho har funne fram. Det er eit særeige samspel mellom teksten og illustrasjonane til Justyna Nyka. (Annoteringen er utarbeidet av Statens bibliotektilsyns rådgivende utvalg for barne- og ungdomslitteratur).
