Romanens leiemotiv er menneskets avmaktsfølelse og desperasjon, i møte med eit rigid, byråkratisk system. Tre kvinneskikkelsar gjennomlever dette på ulikt vis. Ei arbeidar som fuglemerkar på ei øy ute i havgapet, der ho freistar å gløyme si eiga fortid. Ei får avslag på søknaden om å få adoptere eit born frå Kina, etter å ha venta i fire år. Og ei trede bikkar til sist over i galskapen, der ho tar til å forfølge ein saksbehandlar. Gjennom disse forteljingane vevar fuglemotivet att og fram, og utgjer eit bilete på artar som forsvinn i ei frykteleg fart, mens menneska på landjorda for sin del vert meir og meir framandgjorde for seg sjølve. Omtalen er utarbeida av BS.
Ei kvinne har vore gjennom ein lang adopsjonsprosess. I postkassa ligg eit brev som skal endre livet hennar. Ei kvinne går gjennom gatene med ein trillekoffert. Ho skal ta hemn. Ho skal slå tilbake mot Staten. I kofferten ligg ein død katt. Ei kvinne går lange turar langs havet med hunden sin. Når ho ikkje jobbar med å ringmerke fuglar, held ho seg mest for seg sjølv. Dei tre historiene flettar seg saman til ei sterk forteljing om raseri, galskap og flukt frå fortida. I «Tre vegar til havet» skildrar Brit Bildøen avmakt i møte med byråkratiet og kva desperasjon kan gjere med eit menneske. Samstundes teiknar ho eit urovekkjande bilde av ei tid der fugleartar forsvinn i rasande fart, og der menneske kjenner seg åleine blant sine eigne.
